گود سبور//

مشى حارس مرمى اتحاد طنجة ريان أزواغ مول 18 عام، يلعب مع إشبيلية الإسباني.

وأعلن اتحاد طنجة قبل لحظات من مساء اليوم الاربعاء، عن انتقال الگول الشاب ديالو ريان أزواغ إلى نادي إشبيلية الإسباني.

ويعتبر ريان أزواغ منتوج لمركز تكوين اتحاد طنجة، وانتقل دابا إلى إشبيلية بموجب عقد المدة ديالو 3 سنين.

هذا الانتقال ديال ريان أزواغ إلى إشبيلية، كايشبه بزاف قصة أسطورة حراسة المرمى المغربي ياسين بونو، اللي حتى هو خرج صغير من الوداد الرياضي ومشى أتليتكو مدريد، وبقى كايقلب على راسو مع أندية الصبليون حتى حبس لإشبيلية اللي دخل معهم للتاريخ بألقاب أوروبية.