وكالات//

والله ما مفاك، هذا هو الشعار لي هازو المليونير الشينوي ليانغ شي، لي دار المستحيل باش يتقيد في لافاك ولكن ما نجحش في الامتحان لي دوزو 27 مرة.

ليانغ شي لي عندو شركة ديال مواد البناء كيتمنى يدخل لافاك ويقرا فيها باش يولي مثقف، و40 عام وهو كيحاول يدوز الامتحان ديال الدخول ولكن كيسقط في الأخير.

ليانغ شي قال بأنه ممحتاجش يقرا باش يخدم حيت غير بلخدمة ديالو داير لباس، وأول امتحان دوزو كان في 1983 فاش كان عندو 16عام، ومن بعد حبس واحد لمدة وعاود بدا كيدوز ف2001 ولكن كيف ديما كيسقط.