كود – كازا ///

قالت جريدة “دياريو دي ألميريا”، إن محكمة ألمرية الإقليمية غادي تبدا من غدا الاثنين ف محاكمة رجل متهم بقيادة جماعة عنصرية معادية للمهاجرين والإسلام ومتورطة ف حوادث عنف وكراهية للأجانب، مثل تعنيف المواطنين المغاربة ف الشارع من خلال “دوريات المراقبة الليلية” وإخضاعهم للمراقبة والاستجواب بحال البوليس ببلدية أنتاس.

هاذ المجموعة العنصرية تم تفكيكها من طرف الحرس المدني بعد تعدد جرائمها في حق مهاجرين مغاربة، بحال واحد الضحية اللي تعرضو ليه ف صيف سنة 2019،  ف الليل وخلعوه واستجوبوه بحال البوليس ف بلدية أنتاس. كما أن متهم آخر ضرب القرطاس على منزل مهاجر مغربي ىخر وتعدا على مهاجر مسلم آخر.

وأضافت التقارير ذاتها، أن هاد العصابة كانو كيفرقو منشورات وملصقات ذات إيحاءات عنصرية وكراهية للأجانب ضد السكان العرب واتهامهم بالتسبب في شعور الناس بانعدام الأمن وشجعو الصبليونيين باش ما يبقاوش يكريو ديورهم للمهاجرين العرب.

الحرس المدني لقاو ف دار المتهم الرئيسي بزاف ديال الأسلحة والشارات والصلبان النازية وملصقات منظمة أنتاس كلاني والأجهزة الإلكترونية تم استخدامها في أنشطة غير مشروعة بحال دوريات المراقبة الليلية واستجواب مواطنين مغاربة.