وكالات//

احتافل الممثل المصري المشهور مصطفى شعبان بضريب الصداق مع هدى الناظر المديرة ديال الأعمال السابقة للمغني المشهور عمرو دياب.

على حساب ماقالت بزاف ديال التقارير الصحفية مصرية فهاد الحفل تدار قبل شهرين تقريبا وتدار في سرية تامة.

وأكدات التقارير نفسها أن الممثل المصري غاد يدير عرس كبير هاد الصيف، وغاد يحضرو ليه كبار المشاهير في مصر والعالم العربي.

الممثل مصطفى شعبان عندو دابا 53 عام، وهادي هي التزويجة الأولى ليه، وسبق ليه قال أنه مكيعارضش يتزوج ولكن كلشي مكتوب.