وكالات//

من بعد 12 عام ديال الزواج، واحد السيدة يونانية قرّرات تطلق راجلها غير منين قال ليها روبو الدردشة ChatGPT بأنه كَيخونها.

وحسب موقع “أوديتي سنترال”، البداية كانت منين السيدة تابعات واحد الترند على السوشيال ميديا، وطلبات منChatGPT  يفسّر ليها القهوة ديالها بحال فاش كتكون قراءة الفنجان (tasseography) لكن بطريقة عصرية.

السيدة صوّرات النقشات اللي بقاو فالفنجان ديال القهوة وحملاتهوم فالروبوت باش يحاول يفسرهم ويعطيها تحليل.

وفعلاً، الروبوت اللي خدام بالذكاء الاصطناعي قال ليها بأن راجلها على علاقة بوحدة أخرى، والاسم ديالها كيبدا بحرف”E”، وأن هاد المرا كانت ناوية تفرّق العائلة.

الراجل ضحك وقال بأن هادشي غير خرافات، ولكن مراتو خذات الأمور بجدية، وطلبات منو يخرج من الدار دابا.

وما وقفّاتش هنا، حتى قالت لولادهم أن هي وباهم غادي يطلّقو، وحتى تاصلات بمحامي.