كود – كازا ///

قالت جريدة ال باييس الإسبانية، أن موسوس دي اسكوادرا (الشرطة الإقليمية ف كاتلونيا) فتحات أونكيط بعد العثور، البارح الأحد، على امرأة مغربية كتبلغ من العمر 45 عام، مقتولة بجنوية وسط طوموبيل ماشي ديالها بطريق ترابي ضواحي خيرونا.

وأضافت التقارير ذاتها، أن الضحية اختفت عن الأسرة ديالها نهار السبت وبلغو البوليس ف نفس النهار، وبعد ساعات من البحث وتتبع إشارة البورطابل ديالها تلقات مقتولة والجثة ديالها ف بلاصة الشيفور. وحسب مصادر قريبة من القضية، الضحية منفصلة منذ عدة سنوات وعندها وليدات..