الرئيسية > آش واقع > خيبة أمل كبيرة عند توانسة والمرشحين للرئاسة عندهوم برامج مشابهة والشارع التونسي رافض الإسلاميين
12/09/2019 19:30 آش واقع

خيبة أمل كبيرة عند توانسة والمرشحين للرئاسة عندهوم برامج مشابهة والشارع التونسي رافض الإسلاميين

خيبة أمل كبيرة عند توانسة والمرشحين للرئاسة عندهوم برامج مشابهة والشارع التونسي رافض الإسلاميين

عمـر المزيـن – تونس كود//

خيبة أمل كبيرة عند توانسة فالانتخابات الرئاسية البكرة التي تعرفها البلاد بعد وفاة الرئيس السابق الراحل الباجي القائد السبسي. هاد الانتخابات دايزة فأجواء تطبعها الضبابية بزاف، سيما أن المرشحين الـ26 كولهوم تقريبا هازين نفس البرامج =تعليم، صحة، اقتصاد، تنمية، استثمار، قضاء، أمن…”.

الشارع التونسي خدا تجارب كثيرة بزاف من بعد الربيع العربي اللّي خرجات الشرارة ديالو مع منطقة سيدي بوزيد. عدد من التوانسة وفي حديثهم مع “كود” رفضو يعطيو شي صوت لمرشح لا يستحق. تونسي عايش فرنسا قال ل”كود”: لبلاد خاصها رئيس يكون عارف شنو واقع بعيدا عن الشعارات الخاوية حقاش راه توانسة عاقو وفهمو مزيان”.

وعودة للانتخابات والمرشحين. “كود” مني خرجات للشارع وخدات وقت طويل باش نسول توانسة على المرشحين ورأيهم فيهم. كولهوم كيشوفو انه مكاينش شي حد لي يقدرو يصوتو عليه، لكن بعضهم هضر على نبيل القروي مؤسس قناة نسمة المعتقل بتهمة “تبييض الاموال”.

المرشح القروي باين ان توانسة متعاطفين معاه بزاف وباغيين يصوتو عليه ضد فعدد كبير من المرشحين. مول قناة “نسمة” يعتبر حاليا من المرشحين البارزين وخا متابع امام القضاء التونسي، والترشيح ديالو كما اعتبرته الهيئة العليا المستقلة للانتخابات غادي يبقى ساري حقاش مزال مكاين حكم نهائي ضدو.

تونسية أخرى هضرات معاها “كود” على هاد الانتخابات. قالت أن توناسة يحبو رئيس قوي ويخدم ماشي يكون ديكتاتوري بحال زين العابدين بن علي اللي كانت الصورة ديالو معلقة في كل مكان أيام تقلده رئاسة البلاد.

كما يظهر من خلال تتبع “كود” هاد الانتخابات أن توانسة رافضين بزايد الاسلاميين يحكوموهوم،و مرحبين في نفس الوقت بالحداثيين والعلمانيين.

موضوعات أخرى

18/09/2019 17:00

إلى تدارت انتخابات فالمغرب بحال لي فتونس ويشارك فيها بنكيران لا منتمي لا شك أنه غادي يكتاسح حيت المغاربة طلعو ليهم الأحزاب فراسهم والسياسي الوحيد لي كان عليه إجماع عندهم راه شافوا كاملين كيفاش تخلى عليه حزبو من أجل السلطة