كود هناء ابو علي ///

الملك محمد السادس كيشجع الحكومة على الخدمة اللي دارتها وعطاها التعليمات باش توجد تفاصيل تنزيل “الميثاق الجديد للاستثمار”. هاد الجملة جات فبيان الديوان الملكي بعد ترؤس رئيس الدولة البارح 16 فبراير 2022 بالاقامة الملكية ببوزنيقة “جلسة عمل خصصت للميثاق الجديد للاستثمار”.

جملة ما جاتش غير هاكاك. فهاد البيانات ديال الديوان الملكي كل كلمة عندها دلالتها. كتختار بعناية كبيرة بزاف. جات فسياق غريب. عا تخرجات دعوات برحيل رئيس الحكومة عزيز اخنوش اللي ربح انتخابات شتنبر اللي فات التشريعية وعينو الملك رئيس للحكومة فنونبر.

هاد الدعوات وراها عدد من الحسابات يالله طلقات. فيها اسماء مستعارة ما معروفاش كيخلي شكوك كثيرة ضد صحاب هاد الدعوة.

هاد الاشادة بعمل الحكومة من قبل رئيس الدولة فيها رسالة لهادوك اللي فيهم من بدا يطلب منو يحيد كاع رئيس الحكومة. كيطلبو منو يخرق الدستور وهو الاول الحريص على تطبيقو. لعب مبرهش وصافي.