الرئيسية > آراء > خليونا من اوربا. علاش المغرب ما ياخدش القدوة من السينغال والكوت ديفوار والكاميرون والطوگو ونيجيريا. مطاراتهم مفتوحة وحياتهم عادية وسياحتهم على قدها ولكن محركة
15/01/2022 11:00 آراء

خليونا من اوربا. علاش المغرب ما ياخدش القدوة من السينغال والكوت ديفوار والكاميرون والطوگو ونيجيريا. مطاراتهم مفتوحة وحياتهم عادية وسياحتهم على قدها ولكن محركة

خليونا من اوربا. علاش المغرب ما ياخدش القدوة من السينغال والكوت ديفوار والكاميرون والطوگو ونيجيريا. مطاراتهم مفتوحة وحياتهم عادية وسياحتهم على قدها ولكن محركة

هناء ابو علي كود داكار ///

هاد القرار الغبي اللي خداه المغرب باغلاق حدودو ما مفتوهش. ما مفهومش لانو سد الحدود على اولادو. على مغاربة عايشين فالمغرب. على مغاربة العالم باش يجيو يشوفو عائلاتهم وناسهم واستثماراتهم. العالم كولو فاتح حدودو. ما سدش على راسو كيف دارت بلادنا. 

دابا عندنا الخطوط الملكية المغربية واصلة ليها للعظم. حكومتنا على دير ليها خطوط تروج بيها الحركة فتحات المجال للطيران الخاص. لمفرحين كيجيو فليدجيت بريڤي. رجعات دولة كدافع على اللي عندهم. كتقبل يدخلها غير اللي قادر يخلص للواحد ما بين 18 الف درهم و30 الف درهم. 

شفنا دول افريقية. فيها اللي وضعيتهم الاقتصادية مضعضعة بحال الكاميرون وفيها دول محركة بحال السينغال والكوت ديفوار ولكن المغرب اقتصاديا افضل. مطارات هاد الدول كيف شافتهم “كود” مفتوحة للطيران الدولي. طيارات من تركيا من الامارات من فرنسا من اسبانيا من بلجيكا من دول كثيرة افريقية فمطارات لاگوس ولومي وداكار وابيدجان وياوندي. كيدخلو ويخرجو من لبلاد. كيروجو الحركة. كيحركو شركة الطيران ديال بلادهم. 

بحالهم بحال دول العالم. من اسيا واوربا واميركا فشمالها وجنوبها. ما سدات حتى شي دولة على راسها بسباب اوميكرون. هاد المتحور ديال كورونا لحد الان ماشي بالخطورة اللي قدموه بيها. نسبة ملء اسرة الانعاش حتى الان ف7 بالمائة بعد بداية هاد الموجة الثالثة اللي ضرباتنا. هاد الشي بلا ما نذكرو كذبة وزارة الصحة اللي قالت باللي سدو باش ما يدخلش اوميكرون ودخل وضربو الطم. 

دابا هاد الدول الافريقية خاصها تكون قدوة لدولة ديما كتقدم راسها نموذج فافريقيا. طبعا هي نموذج فالبينات التحتية. فامور كثيرة ولكن قرارات غبية متخلفة بحال اغلاق الحدود كترجعنا كفس من هاد الدول. اليوم كاين السياحة فهاد الدول الافريقية. كاين الرواج. كاين قطاع سياحي كيستافد. صعيب تلقى اوطيل فدكار دابا. كلشي عامر. الرواج داير.

دابا حتى هاديك 23 مليون اللي تلقحات بجوج ما فاهماتش. الدولة باعت باللي تلقحو باش تعيشو نورمال. دابا سدو الحدود. كيفاش غاديين يفهم شي حد.

موضوعات أخرى

27/01/2022 15:30

قاضي التحقيق فإسبانيا مزال كيحقق مع وزيرة الخارجية السابقة فطريقة دخول زعيم البوليساريو لإسبانيا بهوية وپاسپور مزورين

27/01/2022 14:30

خاص. “كود” فرحلة ف”دجيت بريڤي” باش تدخل لبلادك. كيفاش بوريطة كيساهم فقتل ف”لارام” وكيهلك ميزانية مغاربة المغرب والعالم وكيغني تجار “كورونا”. شهادات مغربي من هولندا خسر لملاين باش يدفن امو وايطالية تسخسخات باش ترجع لخدمتها – تصاور