كود الرباط//
طاكسي صغير تسبب فكسيدة ودخلت فباب البرلمان، هادشي فالعشية اليوم تزامنا مع انطلاق جلسة الاسئلة الشفوية بمجلس المستشارين.
الحادثة ماتسببش في خسائر في الأرواح، لكن تسببت في استنفار داخل البرلمان خصوصا وأن الكسيدة تزامنت بعد أيام قليلة من افتتاح الدخول السياسي والتشريعي.
الباب ديال البرلمان تعرض لخدوش وتعوج شويا، وكذلك الطاكسي تعرضت لبعض الأضرار على المستوى الأمامي للسيارة.
وكشفت مصادر “كود”، أن شيفور الطاكسي دخل فالباب ديال البرلمان وهو فحالة هيستيرية وغضب، وتم الاعتقال ديالو من طرف البوليس، باش يحققو معه ويعرفو أسباب وظروف الواقعة
مصادر “كود” اكدات باللي هاد الشيفور كيعاني من اضطرابات نفسية وما تحكمش فقيادة الطاكسي
