عفراء علوي محمدي- كود//

قررات النيابة العامة فالمحكمة الابتدائية بأكادير، اليوم السبت، متابعة الناشط الحقوقي رضا الطاوجني فحالة سراح، بعدما خلص 10 آلاف درهم كفالة مالية.

الطاوجني متابع بتهم انتحال صفة مهنية ينظمها القانون (صفة صحافي)، وخرق حالة الطوارئ الصحية، وغيمكن تتم متابعتو بتهم أخرى بعدما تسجلات شكايات جديدة ضدو من طرف مسؤولين أمنيين.

ولبارح الجمعة صدرات النيابة العامة قرارها بتمديدة فترة الحراسة النظرية فحق الطاوجني لمدة 24 ساعة إضافية.

وتم توقيف الطاوجني فمنطقة تامري، وكان حينها كيتوفر على ورقة خروج استثنائية خاصة بمدينة أكَادير، وماعندوش الحق يخرج بيها من المدينة، بالإضافة لأن الغاية ديال التنقل عندو فالورقة “من أجل العمل كصحفي”، بينما هو مكايتوفرش على بطاقة الصحافة وموقعو ماعندوش ملاءمة.

وكان الطاوجني كيصور روبورتاج على ندرة المياه فسد مولاي عبد الله فالمنطقة، كحلقة من حلقات البرنامج اللي كيدوز فصفحتو على “فيسبوك” حول المجاري المائية فالمائية، قبل ما يقرقبو عليه.