الرئيسية > آش واقع > خلال أزمة “كورونا”.. المكتب الوطني للكهرباء والماء غيقلل من تنقل المواطنين ليه وغيعزز خدماتو الإلكترونية
24/03/2020 14:24 آش واقع

خلال أزمة “كورونا”.. المكتب الوطني للكهرباء والماء غيقلل من تنقل المواطنين ليه وغيعزز خدماتو الإلكترونية

خلال أزمة “كورونا”.. المكتب الوطني للكهرباء والماء غيقلل من تنقل المواطنين ليه وغيعزز خدماتو الإلكترونية

عفراء علوي محمدي- كود//

دار المكتب الوطني للكهرباء والماء الصالح للشرب، ابتداء من اليوم 24 مارس 2020، مجموعة من الإجراءات، باش يقلل من تنقل الزبناء ديالو لوكالات المكتب ونقط الاستهلاك، خلال فترة الطوارئ الصحية اللي تدارت للحد من انتشار فيروس “كورونا” المستجد.

وأكد المكتب، فبلاغ ليه صدر اليوم الثلاثاء، وتوصلات “كود” بنسخة منو، بللي خدمات الما والضو مغاديش تتوقف، والانقطاعات المبرمجة لصياتة الشبكات خلال هذ الفترة غتنحصر فقط على أعمال الصيانة الأساسية.

وخبر المكتب الزبناء ديالو بللي الوكالات التجارية التابعة ليه، واللي كتقوم باستخلاص الفواتير ونقاط شحن عدادات الكهرباء ذات الدفع المسبق، غتكمل خدتها فهذ الفترة بشكل عادي، لكن غيعطي المكتب الأولوية للتفاعلات عن بعد، وغيخلي الزبناء يعتمدو الخدمات المتوفرة عبر الموقع الإلكتروني.

وباش يحمي الزبناء ديالو والموظفين فهذ الفترة، اتخذ المكتب تدابير احترازية ووقائية من حيث النظافة والسلامة عر مستوى وكالاته ونقاط استخلاص الفواتير، وحصر عدد الزبناء فكل وكالة ف5 زبناء.

وبالنسبة للتواصل وللاستفسار، وضع المكتب رهن إشارة الزبناء ديالو الرقم الهاتفي 0802007777 والبريد الإلكتروني [email protected] يوميا من ال7 دالصباح ل11 دالليل.

وأكد المكتب، فختام بلاغو، بللي اي معلومات أو اخبار تبثها قنوات أخرى تعتبر لاغية ولا تلزم المكتب بأي شكل من الأشكال.

موضوعات أخرى