كود سبور//

عبر عبد الله خفيفي لاعب الرجاء الرياضي على الفرحة ديالو حيث الفريق ربح السوالم بنتيجة 3 لواحد، ومواصل المنافسة على لقب البطولة، أكد أنه هو وصحابو فالفريق غيلعبو باش يربحو گاع الماتشات اللي مازالين باش يفرحو جمهور الرجاء باللقب.

وهضر خفيفي فتصريح بعد ماتش الرجاء وآسفي البارح وقال: “كنشكر اللاعبين على المجهود اللي قدموه اليوم والماتش ما كانش ساهل ضد خصم اللي حتى هو جاي باش يربح ويهرب من المنطقة الصعبة اللي فيها وحنا دوينا مع بعضياتنا على أنها مباراة ما ساهلاش مصيرية والمهم أننا ربحنا”.

وكمل خفيفي: “خدينا 3 بوان ودابا خاصنا نزيدو نخدمو باش آخر العام نحققو داكشي اللي باغي الجمهور وهذا هو الأهم، باقيين 7 الماتشات وما كاينش فرق كبير ما بيننا وبين المتصدر، وإلى ربحنا گاع الماتشات اللي مازالين غنفرحو فاخر العام”.