عثمان الشرقي – كود//

السلطات الفرنسية قررات تسحب الغرارف التقليدية المصنوعة من الطين والمطلية باللاتوخ، اللي كانت كتباع فمحل ALMADINA (سوق المغرب) بمدينة بيزيي، بعدما اكتشفو أن فيها مواد كيميائية سامة على ما قالو.

https://rappel.conso.gouv.fr/fiche-rappel/19556/Interne

السلطات طالبو جميع الزبناء اللي شراو هاد الغرارف يرجعوها باش ياخدو فلوسهم أو يبدلوها بسلعة أخرى. حتى المخزن ففرنسا شدّد على ضرورة الالتزام بالتعليمات وما يستعملوش هاد الأكواب باش ما يكونش خطر على الصحة.

هاد الخبر شد اهتمام المتسوقين فبيزيي والمناطق المجاورة، وبدات حملة إعلامية باش تحذر السكان وتوريهم كيفاش يتصرفو مع هاد الغرارف.

بالرغم من هاد الاستثناء، الصناعة المغربية التقليدية عندها إقبال فاوروبا خصوصا الفخار والزليج، لي كاينين بجودة عالية وكتحترم الصحة ديال المستهلك.

بزاف من المنتجات المغربية وصلات لمستوى عالمي وكاتنافس فالسوق الدولي، وهادشي كيبين أن الصناعة عندنا صحية وآمنة وغالبا هادشي كيكون استثناء إلا وقع شي خلل نادر فمنتج محدد.