وكالات//
كشفات شركة “ماتيل” الميريكانية لي كتصاوب مونيكات “باربي” على أول مونيكة مصاوبة بمتلازمة داون.
المونيكة تصاوبات بمشاركة المجتمع الطبي والمتخصصين من الجمعية الوطنية لمتلازمة داون في ميريكان.
الشركة أكدات أن المونيكة المصابة بمتلازمة داون غادي تعاون بزاف الوليدات باش يلقاو لعبة كتشبه ليهم.
الباربي دايرة في عنقها سلسلة كتعني 3 نسخ من الكروموسوم الـ21 ، وهي المادة الوراثية لي كتسبب الخصائص المرتبطة بمرض داون.
المونيكة هي جزء من مجموعة Fashionistas لي تم إطلاقها في 2022. وفيها منيكة عندها رجل اصطناعية ووحدة جالسة في كرسي متحرك.
