كود سبور//

غيديرو الوداد الرياضي خطوة أخيرة باش يحسمو فسفر المدافع جمال حركاس مع الفريق إلى بوتسوانا، لمواجهة كلاكسي البوتسواني السبت الجاي فدوري أبطال إفريقيا.

وحسب مصادر مطلعة، غيدير جمال حركاس اليوم الاثنين فحوصات طبية بإشراف الطاقم الطبي للوداد الرياضي، لتحديد واش قادر يلعب الماتش ضد كلاكسي السبت الجاي، او لا ويخليوه يرتاح من الإصابة اللي خلاتو ما يلعبش حتى الماتش اللي فات ضد نهضة بركان فالبطولة الاحترافية.

وديما مع الوداد الرياضي فالفريق خدام كيوجد لماتش كلاكسي المصيري، وباغي يرجع بالرباح من بوتسوانا اللي غيشد لها الطريق الاربعاء الجاي 21 فبراير باش يلعب الماتش السبت 24 فبراير.