الوالي الزاز -كود- العيون///
دار زعيم جبهة البوليساريو، إبراهيم غالي، خطاب موجه للموالين ليه وللبوليساريو بمناسبة 48 سنة على إعلان ما يسمى “قيام دولة البوليساريو، إعتامد فيها تفس الخطاب باللغة الفضفاضة المعروفة اللي الغرض منها تنويم مناصريه وتغليطهم بالوهم وإستغلال القضايا اللي مسغول بعا العالم بحال القضية الفلسطينية.
وفهاد الصدد استاغل زعيم جبهة البوليساريو خطابو القضية الفلسطينية باش يلفت الإنتباه ويكسب التعاطف فاش أعرب عن دعمو للشعب الفلسطيني وإدانته للإبادة الجماعية فغزة وغيرها.
وفسياق الخطاب اللي بان إجترار لخطابات سابقة ديال گاع مسؤولي البوليساريو، تناول إبراهيم غالي، دور الإتخاد الاوروبي فتسوية نزاع الصحراء، مشيرا أن دول الإتحاد الأفريقي خاصها تساهم فالعملية السياسية وتستتباب الأمن فشمال أفريقيا من خلال إحترام القانون الدولي اللي كيشوفو أنه رهين بالإنفصال ومعاداة الوحدة الترابية للمملكة المغربية برعاية جزائرية، داعيا الدول إلى وقف أي شراكة مع المغرب تشمل الصحراء.
وتطرق زعيم البوليساريو لموقف إسبانيا من نزاع الصحراء ودعمها لمبادرة الحكم الذاتي كأساس لتسوية ملف الصحراء، واتاهمها بتوجيه طعنات فالظهر للبوليساريو والحكومة الإسبانية بإرتكاب جريمة فحقها.
وهاجم زعيم البوليساريو منظمة الإتحاد الأفريقي اللي كيسوقو بأنهم حققوا فيها نجاحات سياسية، وطالبها بتحمل المسؤولية ومعالجة النزاع، بمعنى أنه باغي الإتحاد الأفريقي يدخل فالنزاع واخا مقررات انواكشوط وضحات كلشي وأكدات على الرعاية الحصرية للأمم المتحدة للنزاع وتا حد ما عندو فيه أي دور.
