وكالات//

مرا عندها 32 عام كتفكر تطلق من راجلها وتقطع معاه كَاع العلاقات بعدما رفض يخلص عليها مصاريف الولادة، خصوصا البرا ديال الوجع لي ساوية الثمن، وقال إنها كان ممكن تولد بلا بها.

الكوبل مزوجين 7 سنين دابا لكن رد فعل راجلها صدمها وخسر ليها الفرحة ديال الولادة.

الكوبل لي كيتقاسمو كلشي كانو مقررين أنها تولد ولادة طبيعية بلاما دير حتى شي وجع اصطناعي أو برا لي تخفف عليها الوجع، لكن من بعد 24 ساعة ديال الوجع ختارت دير الإيبيدورال.

ملي وصل وقت الخلاص راجلها جا وقف عليها باش تجبد فلوس البرا حيت هو مغاديش يخلص كثر من داكشي لي كانو متافقين عليه في الولادة الطبيعية.

النفيسة خلصات داكشي لي عليها مع سبيطار، ودابا كتفكر تطلق منو بمرة حيت تصرف ديالو جاها خايب بزاف.