كود سبور//
خسر الدولي المغربي أمين عدلي مع الفريق ديالو باير ليفركوزن الالماني، فينال اليوروبا ليگ مع أتلانتا الطلياني اليوم الاربعاء فتيران أڤيڤا فدبلن فإيرلندا، وهي أول خسارة للفريق الألماني هذا الموسم.
وسالا الماتش بين باير ليفركوزن وأتلانتا بنتيجة 3 لزيرو لمصلحة الفريق الألماني، واللي فاجئوا أمين عدلي وصحابو والمدرب ديالهم الإسباني تشابي ألونسو، بهدف فالدقيقة 12 بواسطة النيجيري أديمولا لوكمان، وزادوهم الهدف الثاني فالدقيقة 26 بواسطة نفس اللاعب، اللي رجع وضرب الهدف الثالث فالدقيقة 76.
وللإشارة فباير ليفركوزن بطل ألمانيا ما خسر حتى ماتش هذا الموسم، وأول مباراة خسرها هي هاد الفينال ديال اليوروبا ليگ ضد أتلانتا الطلياني وضاع لهم اللقب الأوروبي.
