كود الرباط//

علمت “گود” من مصدر مطلع أن مسلسل خروقات التعمير وسط العاصمة الرباط باقي مستمر رغم الحملات للي كتقوم السلطات الولائية بين الفينة والأخرى.

وحسب معلومات توصلت بها “گود” فإن ظاهرة البناء العشوائي والهدم العشوائي من أجل إصلاح بعض الفيلات في حي الليمون الراقي، أصبحت بادية للعيان، كما توثقه صورة “گود” لإحدى الفيلات بشارع النصر.

دبا الولاية كاتهدم اللي دايرين خروقات ولكن في نفس الوقت مكاينش تزيار على شي بلايص وسط العاصمة حيثاش قايد او مسؤول داير عين ميكة عليهم بحال شارع النصر، بني ولا هدم ولا صلح واخا معندكش رخصة هانيا.

ماشي غير هادشي كاين أزقة ماعمرها تصلحات منذ الاستعمار، إضافة إلى استمرار البني العشوائي فشي بلايص وزناقي وسط حي الليمون وديور الجامع.