وكالات//

تصدم واحد المواطن عماني بعدما دخل للطوموبيل ديالو في منطقة نوى في عمان، ولقا واحد الحنش كبير خرج ليه من لكليماتيزور ديال الطوموبيل.

ومع حالة الرعب لي حس بيها وهو كيشوف الحنش خارج ليه من الفتحات ديال لكليماتيزور مالقا هاد السيد غير يعيط للبومبية ديال المحافظة.

ودارو البومبية ديال عمان واحد البيان كيقولو فيه أنهم تعاملو بسرعة مع الاتصال ديال المواطن وجاو للطوموبيلة ديالو باش يخلصوه من الحنش.

وبارطاجاو بزاف ديال الناس فيديو على مواقع التواصل الاجتماعي، كيبين اللحظة لي خرج فيه الحنش من وسط الطوموبيل.