كود سبور//

من المنتظر يدير محمد مفيد لاعب الوداد الرياضي فحوصات طبية مكثفة خلال الساعات المقبلة، باش يعرف الطاقم الطبي د الفريق شنو عندو، بعدما تعرض للإصابة فالماتش ضد نهضة الزمامرة اليوم الاثنين.

وتعرض محمد مفيد للإصابة وما قدرش يكمل ماتش الوداد الرياضي ونهضة الزمامرة، وبدلو المدرب رولاني موكوينا مع بداية الشوط الثاني ودخل بلاصتو نبيل مرموق، فالماتش اللي سالا بنتيجة زيرو لزيزو.

وخرج محمد مفيد من ورا ما سالا الماتش بين الوداد الرياضي ونهضة الزمامرة، وهو ما قادرش يمشي عادي وكان داير العكاز، وغايدير فحوصات طبية باش يعرفو شنو عندو.