وكالات//

سبّب سقوط مفاجئ ديال لعبة “المقص” فواحد مدينة ديال الألعاب فمحافظة البصرة فجنوب العراق، فإصابة عدد من التلاميذ بجروح مختلفة، وهاد الشي وقع وهم مشاركين فخرجة مدرسية تنظمات لذاك المكان.
واحد الفيديو اللي تبارطاجا فالسوشيال ميديا بيّن اللحظة ديال الحادث، ووضح حالة الخلعة اللي كانت بين الناس اللي كانوا حاضرين، وزاد ورّى مشاهد ديال تلاميذ محبوسين وسط هيكل اللعبة اللي طاحت، فحين تسارعوا العمّال باش يحاولو يخرّجو الأطفال اللي كانوا محاصَرين.

https://www.instagram.com/reel/DSZe7znCGjT/?utm_source=ig_embed&ig_rid=d65ca0ce-806f-41b5-8a7d-e15e24aa7ca5

تلاميذ تصابو بجروح خفيفة، وشي آخرين حالتهم كانت خطيرة وخصّها تدخّل طبي مستعجل، وتّْنقلو كاملين للسبيطار باش يتعالجو، وسط قلق كبير بين العائلات والمواطنين.
هاد الحادثة خلّقات ردود فعل بزاف فمواقع التواصل الاجتماعي، فين تساءلو بزاف الناس واش مدن الألعاب كتحترم معايير السلامة، وطالبو بدير فحوصات صارمة ومنتظمة لجميع الألعاب الميكانيكية، خصوصاً اللي كيتسمح للأطفال يركبو فيها فالإخراجات المدرسية.