كود سوبو

انهارت الملاكمة المغربية خديجة المرضي بالبكا بعدما خسرت فربع نهائي أولمبياد باريس2024، اليوم الاحد وتقصات أمام الملاكمة الأسترالية باركر، وطلبت المسامحة من المغاربة ملكا وشعبا حيث ما قدراتش تهديهم ميدالية أولمبية، وعلنت نهاية المشوار ديالها فالألعاب الأولمبية بصفة نهائية.

وفتصريح لها قالت خديجة المرضي مولات الـ33 عام بعد الإقصاء من أولمبياد طوكيو: “كانطلب المسامحة من المغاربة وما مكتابش ليا نكون بطلة أولمبية، تقاتلت فأولمبياد ريو وفطوكيو ما كتابش وحتى فباريس، تقاتلت ودرت كل ما فجهدي وحيدت 30Kg  من الوزن ديالي باش نكون بطلة أولمبية ولكن ما كتابش، وكانتمنى من بناتي والأب ديالي وزوجي والشعب المغربي والملك محمد السادس يسمحو ليا، وسيدنا ديما داعمنا”.

وكملت خديجة المرضي وهي كاتبكي: “قدمت كل ما فجهدي وما كتابش وهادي النهاية ديالي فالألعاب الأولمبية وكنقول للمغاربة يسمحو ليا حياتي كاملة وأنا كانتقاتل باش نكون بطلة أولمبية ولكن ما كتابش وأنا كانبكي حيث ما فرحتش الشعب المغربي”.