وكالات//
كشف واحد الخبير بريطاني سميتو غرانت هارولد، أن العلاقة بين الأمير هاري وخوه ويليام وصلات للباب المسدود.
في تصريحات ديالو، نقلها الجورنال ديال “د بوست” البريطاني، قال هارولد إن الأمير هاري ومراتو ميغان ماركل حاولو يصلحو العلاقات ديالهم مع القصر ولكن والو، خوه ويليام ومراتو كيت مدلتون حلفو لا تصالحو معاهم.
وكان الأمير هاري ومراتو ميغان، خرجو من العائلة الملكية فعام 2020، فواحدة من الأحداث لي دارت أزمة كبيرة داخل القصر ديال بريطانيا.
وقال الخبير البريطاني كذلك أن الثقة بين الأمير ويليام وخوه هاري مابقاتش نهائيا، وولا كيعيش وضعية نفسية صعيبة بزاف بسباب المرض ديال مراتو كيت بالسرطان.
