هناء أبو علي ـ كود//
الموقع الإسرائيلي المعروف “the Jerusalem post” نشر مقال مطول بعنوان “المغرب بلد بتاريخ غني بالنبيذ وجودة غير معترف بها وإمكانات لا حدود لها” بقلم الكاتب والخبير فصناعة النبيذ، آدم مونتفيوري.
آدم مونتفيوري، جزء من عائلتو كينحدر من موكادور، الصويرة، وهادشي اللي خلاه مهتم بالروج المغربي، كيقول أنه كيحلم بالنبيذ المغربي وهو كيتفرج فالمنتخب المغربي اللي غير نظرة العالم على المغرب. لأن المغرب فالأذهان ديال الناس عبارة غير على مشاهد بالبيض والكحل ومواخدش حقو ولكن مع النبيذ ديالو والمنتخب المغربي اللي كان فالصدارة، غيولي مغرب جديد كينبض بالحياة.
وأضاف أن المغرب بلد عندو تاريخ غني بالنبيذ وجودة غير معترف بها وإمكانات معندهاش حدود. إلا أنه رسميًا، كيتم بيع معظم أنواع النبيذ للسياح، وكمية قليلة فقط للمغاربة. ومعظم الصادرات كتمشي لفرنسا. وعبر على الأسف ديالو لأن بزاف دالأنواع دالخمور بجودة عالية فالمغرب كتستحق تتعرف فالعالم ولكن كاع ماواخدة حقها.
وبدا يسرد فتاريخ المغرب مع إنتاج النبيذ اللي معروف بالجودة اللي بدا مع استعمار فرنسا للمغرب ومن تما بدا المغرب ينتج النبيذ ويشحنو لفرنسا ومع استقلال المغرب، فرنسا غادي تخرج، ولكن صناعة النبيذ المغربي مغتحبسش بفضل رجل الأعمال ابراهيم زنيبر اللي حافظ على الطريقة ديال صناعة النبيذ وحافظ على النبيذ المغربي.
وأشار لأهم ثلاثة شركات فالمغرب اللي معروفة بصناعة الروج واللي أكبرها كاين فالمغرب ثلاثة دالشركات كبيرة معروفة بالروج، أكبرها “Celliers de Meknes”، اللي بناها الراحل الأسطوري إبراهيم زنيبر، واللي كيتعتبر القوة الدافعة فإعادة إنشاء صناعة النبيذ المغربية.
وشركة “THE SECOND”العملاقة وهي مجموعة”Castel” ، أكبر شركة نبيذ ففرنسا، واللي استثمرات فالمغرب من عام 1994، وكتشمل علامتهم التجارية علامات مثل “Larroque” و “Halana”و”Bonassia”، وأضاف أن منطقة مكناس كتعتبر محرك النبيذ المغربي، بالإضافة لبركان، زعير، زناتة والصويرة.
وذكر أهم أنواع النبيذ اللي كتجي من المغرب لإسرائيل، فحال ديال “Celliers de Meknes”، وكاينة “Les Trois Domaines Gris 2021″، بالإضافة لماركة “Ouled Thaleb”، واللي كتعتبر أفضل نوع كتاخد إسرائيل من المغرب.
موضوعات أخرى
هي مولات الرْي والشوار ..البويضة هي اللي كتختار
