وكالات-كود//

كشفات خبيرة بريطانية فمجال الجنس سميتها “ويندي جونز”، أن الرجال كيتغتاصبو أكثر من النساء، ودعات الرجال ضحايا للاغتصاب الجنسي يديرو شي حركة منظمة، باش تدافع عليهم بحال الحركة النسائية MeToo، بحيت لاحظات من لقاءاتها بعدد كبير من الرجال خلال الأشهر الأخيرة، أن معظمهم تعرضوا لعمليات اغتصاب.

ووضحات أن الأمر مكيتعلقش بالاغتصاب الجنسي المعروف فقط، بل كيشمل أشكال أخرى، سواء كانو أطفال أو بالغين ، وكيوقعو الإعتداءات عليهم فالمدارس والنوادي وأماكن أخرى.

وأشارت الخبيرة إلى أن النساء هوما المبادرات للعنف الجنسي اتجاه الرجال، ونفات وجهة النظر الشائعة لي كتقول أن النساء فقط ضحايا الاغتصاب والرجال هم المذنبين ديما، وسبب هادشي أن الرجال نادرا مكيهضرو على هادشي أو كيكشفو تعرضهم للعنف الجنسي، حيت خايفين يعتابرهم المجتمع ضعاف.