كود كازا //

خبر زوين لعشاق مسلسل “بيكي بلايندرز”، كيليان مورفي غادي يرجع يلعب دور تومي شيلبي ففيلم طويل لي غادي يكون الخاتمة ديال المسلسل، نتفليكس خرجات الإعلان الترويجي للفيلم لي سماوه Peaky Blinders: The Immortal، الناس كلها كتسنى تشوف واش الفيلم غادي ينقل نفس جو ديال  المسلسل ولالا  ، ستيفن نايت الكاتب والمخرج يقدر يدير خدمة زوينة بعدما بين القدرة ديالو ففيلم “Eastern Promises ” مع ديفيد كروننبرغ ، وهاد المرة غادي يجي معاه توم هاربر لي سبق ليه خرج حلقات من الموسم الأول.

الفيلم غادي يكمل الأحداث ديال الاجزاء  الستة، ويركز على صعود وسقوط فاميلة شيلبي ، ستيفن نايت قال فواحد اللقاء: “الفيلم كيدور على عصابة بيكي بلايندرز ففترة الحرب العالمية الثانية ، دمجت ثلاث قصص حقيقية وسرية تقريباً، ودخلت فيها عصابة بيكي بلايندرز”  يعني القصة غادي تكون فيها وقائع تاريخية  مع الحماس ديال الشخصيات والقصة وطبعا مع الضرورة الدرامية باش يحلى الفيلم ،الفيلم غادي يكون موجود على نتفليكس نهار 20 مارس 2026 .