الرئيسية > ميديا وثقافة > خبر إطلاق سراح اليوتوبر يوسف الزروالي غير فايك.. المحامي ديالو لـ”كود” : هذشي كذوب.. والتمسنا السراح المؤقت ومازال كنتسناو
28/07/2020 17:00 ميديا وثقافة

خبر إطلاق سراح اليوتوبر يوسف الزروالي غير فايك.. المحامي ديالو لـ”كود” : هذشي كذوب.. والتمسنا السراح المؤقت ومازال كنتسناو

خبر إطلاق سراح اليوتوبر يوسف الزروالي غير فايك.. المحامي ديالو لـ”كود” : هذشي كذوب.. والتمسنا السراح المؤقت ومازال كنتسناو

عفراء علوي محمدي- كود//

شي مواقع إلكترونية وصفحات على مواقع التواصل الاجتماعي نشرات حديث على إطلاق سراح اليوتوبور يوسف الزروالي اليوم الثلاثاء، لكن تبين أن هذ الخبر عاري من الصحة.

فتواصل “كود” مع محامي الزروالي، نبيل النوري، قال أن الزروالي ماخداش السراح المؤقت، ولكن هيئة الدفاع ديالو قدمات ملتمس للمحكمة باش يخرج، و”مازال كنتسناو”، على حد تعبيرو.

وصادفات المحاكمة ديال اليوم احتجاجات ديال مجموعة من المتعاطفين مع الزروالي والعائلة ديالو، اللي طالبو بالإفراج عليه فهذ عيد الكبير.

وتقرر تأجيل ملف الزروالي حتى ل4 غشت.

والزروالي متابع فحالة اعتقال بتهم التشهير وتحقير مقرر قضائي والنصب، كانت تحطات ضدو بزاف دالشكايات عند وكيل الملك فالمحكمة الابتدائية فمكناس من طرف مجموعة من الناس، كيتهموه بيها باستغلالهم فأعمال إنسانية والنصب عليهم، بالإضافة لشكايات مسؤولين قضائيين اتهموه بالتشهير بيهم، من بينهم حمودة الداري، رئيس جمعية الشباب الملكي.

وتعرف الزروالي بالفيديوهات اللي كيدير فمجال الحالات الإنسانية، كيدعي فيها جمعو للفلوس والتبرعات دالمحسنين للفقراء، وزاد تعرف كثر بهذشي فهذ الفترة ديال الحجر الصحي.

موضوعات أخرى