الرئيسية > آش واقع > خبراء وأطباء فندوة حول كورونا بحضور وزير الصحة: ارتفاع حالات الوفيات والإصابات راجع لتأخير الكشفات ونتائجها.. و1 من 5 كيدخلو للإنعاش كيكونو علاين يموتو
12/08/2020 13:30 آش واقع

خبراء وأطباء فندوة حول كورونا بحضور وزير الصحة: ارتفاع حالات الوفيات والإصابات راجع لتأخير الكشفات ونتائجها.. و1 من 5 كيدخلو للإنعاش كيكونو علاين يموتو

خبراء وأطباء فندوة حول كورونا بحضور وزير الصحة: ارتفاع حالات الوفيات والإصابات راجع لتأخير الكشفات ونتائجها.. و1 من 5 كيدخلو للإنعاش كيكونو علاين يموتو

عفراء علوي محمدي- كود//

فندوة رقمية تدارت عن بعد من تنظيم الجمعية المغربية للعلوم الطبية حول الوضعية الوبائية لفيروس كورونا المستجد، اتفقو المتدخلون على أن الوضعية الوبائية فالمغرب مقلقة شوية، بسبب ارتفاع الإصابات والوفيات والحالات النشيطة، وكذلك ارتفاع معدل تفاقم الفيروس، وقال البعض أن هذشي ممكن راجع لخلل فالاكتشاف المبكر، وحتى لأن الوقت بين تحديد هوية الشخص والتوصل لنتيجة الاختبار كيقدر يفوت سيمانة، بالإضافة للتراخي فتطبيق الإجراءات الوقائية من كرف المواطنين.

عبد الكريم مزيان بلفقيه، رئيس قسم الأمراض المعدية فوزارة الصحة، كشف أنه فحدود لبارح الثلاثاء، 9277 حالة نشيطة كاينة، بمعنى ثلث الأسرة اللي كاينين فالمستشفيات العمومية، واللي كيبلغ العدد ديالها 23 ألف سرير.

وقال أن معدل تفاقم الفيروس RT ففترة رفع الحجر كان 0.70 على الأكثر فكل منطقة، ودابا ولا كيتأرجح بين 1,2 و1,4، وهو رقم كبير حسبه.

والسبب فهذ الارتفاع، بالاضافة لارتفاع حالات الوفيات هو التأخير فالقيام بكشفات فيروس كورونا، وهذشي اللي قال بلفقيه “وممكن هذشي ناتج على زيادة عدد الحالات المصابة مع زيادة الاختبارات”، على حساب كلامو.

وقال أنه “ماشي معقول يخرجو النتائج للحالات المشتبه فيها من بعد 3 أو 4 أيام بدون ما يتم وضعها فالحجر الصحي”.

وفنفس السياق، قال الطيب حمدي ، نائب رئيس الاتحاد الوطني للصحة، أنه إلى ماتفحصش المريض على الفور كيمكن يتاخر التشخيص، وبالتالي هذشي كيعطي فرصة للحالات باش تتفاقم، حيت “فالأصل خاص يكون بين ظهور الاعراض وإصدار النتاىج أقل من يوم ديال الوقت باش يمكن احتواء الوباء”، حسب ما قال.

وهذشي اللي قال حتى سعيد أحميدوش، والي جهة الدار البيضاء-سطات، فالندوة نفسها، ونصح ب”إعادة توجيه استراتيجية الفحص بحيث يتم الكشف عن حالات الاتصال بأسرع ما يمكن والتوجه أكثر نحو المجموعات المعرضة للخطر وزيادة الاختبارات فالقطاعين العام والخاص”.

وبالنسبة لارتفاع عدد الحالات فالإنعاش، قال هشام عفيف، المدير العام للمستشفى الجامعي ابن رشد فكازا، أن واحد من أصل خمسة دالأشخاص كيدخلو للإنعاش كيكونو فحالة جد صعبة وقراب يموتو.

وزاد الحسين بارو، رئيس قسم الإنعاش فالمستشفى الجامعي نفسو، أن 23 فالمية من المرضى فحالة خطيرة كيموتو فقاعة استقبال الإنعاش، و”هذشي خطير” حسب قولو.

موضوعات أخرى

30/09/2020 14:43

شكون باغي يورط الداخلية فماتش مولودية وجدة مع الرجاء؟ تقحمات فمناسفة معندها حتى علاقة بيها بترويج شائعات على الوالي معاذ الجامعي.. وها شكون وراها وها الغرض منها

30/09/2020 14:10

أساتذة فمكناس كيطالبو بإعفائهم من الامتحان الجهوي للاشتباه فإصابة مدير ثانوية الإمام الغزالي بـ”كورونا”.. وها رواية مديرية التربية الوطنية لـ”كود”

30/09/2020 14:00

رفض ياخد 16 الميون وطالب بتحويلها لصندوق كورونا.. نعمان لحلو لـ”كود”: هذا دعم مشروع لأنه تموييل للمشاريع الفنية وماشي حاجة خرى.. وأنا امتنعت عليه حيت وقع لبس والمغاربة ظنو أننا غنديروه فجيوبنا

30/09/2020 13:30

سابقة.. البرلمان وافق على أول مهمة استطلاعية على الأطفال المغاربة فبؤر التوتر بسوريا والعراق. وهبي لـ”كود”: غانديرو المستحيل باش يتمتعو هاد الأطفال بحقوقهم