الرئيسية > آش واقع > خبراء من منظمة الصحة العالمية جاو لووهان باش يحققو فأصل كورونا
14/01/2021 21:30 آش واقع

خبراء من منظمة الصحة العالمية جاو لووهان باش يحققو فأصل كورونا

خبراء من منظمة الصحة العالمية جاو لووهان باش يحققو فأصل كورونا

كود – وكالات//

وصل فريق خبراء من منظمة الصحة العالمية لمدينة ووهان الصينية، اليوم الخميس، للبؤرة اللي انطلق منها فيروس كورونا المستجد، باش يبحثو على أصل الوباء ومنين جا بالضبط، من خلال إجراء تحقيق.

وقالت شبكة تليفزيون الصين الدولية (سي جي تي إن) أن فريق خبراء المنظمة خضعو لاختبارات مسحات الحلق والأجسام المضادة فالمطار بمجرد ما وصولو، كيف خضعو لإجراءات الحجر الصحي ذات الصلة المطلوبة بموجب تدابير مكافحة الأوبئة في الصين قبل إجراء عملهم الميداني.

وكيتكون الفريق من 10 علماء، من الدنمارك والمملكة المتحدة وهولندا وأستراليا وروسيا وفيتنام وألمانيا والولايات المتحدة وقطر واليابان.

وكانت اللجنة الوطنية للصحة في الصين علنات قبل أن خبراء من منظمة الصحة العالمية غيبداو زيارتهم الميدانية للشينوا اليوم الخميس، باش يديرو تعاون علمي مشترك مع العلماء الصينيين حول تعقب مصدر فيروس “كوفيد-19″، دون أن تقدم اللجنة المزيد من التفاصيل على برنامج عمل فريق خبراء المنظمة.

موضوعات أخرى

16/01/2021 16:30

دگديگ كورونا لقطاع الريسطورات والقهاوي فمراكش وصل للبرلمان.. مهنيو القطاع والنوادي كلاو العصا ومبقاش عندهم باش يخلصو الخدامة وعدد من مناصب الشغل مشات.. وها الإجراءات المقترحة باش تعتق هاد الفئة من الضياع

16/01/2021 15:00

مصيصة ماشي جريمة. وماشي أي واحد أو وحدة داروها راه يستاهلو الحبس.. وتهمة الفساد ماخاصش تبقى معلقة فوق رقبة المغاربة لي كيديرو علاقة رضائية بلا كاغيط.. واللي خاصو يتعاقب فهاد القضية هو ناشر الفيديو