كود كازا ///
علمت “كود” ان شبكة التلفزيون العمومي الايطالي “لاراي” باغيين يشريو گاع الافلام السينمائية المغربية. هاد الشي وفق مصادر “كود” جا عبر لقاء طلبو مدير الشبكة التابعة للدولة الجديد دجامباولو روسي مع مدير المركز السينمائي المغربي عبد العزيز البوزدايني بمهرجان كان السينمائي اللي كينعاقد دابا
وفق مصادر “كود” المسؤول الايطالي عبر على رغبتو باش يشري كاع الافلام المغربية. الايطاليون اذكياء عارفين عندهم جالية كبيرة من لمغاربة وفكرو يقدمو اعمال سينمائية لهاد الفئة ولجميع الايطاليين.
دابا يالله المرحلة الاولى فقضية شراء حقوق بث الافلام السينمائية المغربية بعد اللقاء اللي دار بالجناح المغربي بكان. غادي يكونو لقاءات اخرى لانهاء هاد العرض
المدير العام الجديد ل”لاراي” يالله تعين٬ وهو مقرب من رئيسة الحكومة دجورجيا ميلوني. هادي اول مرة توصل سياسية من اليمين المتطرف لهاد المنصب
