وكالات//

قدرو علماء أوروبيين مختصين يلقاو توليفة ديال أدوية وعلاجات اللي نجحات فإطالة العمر ديال الفيران بنسبة وصلات حتى لـ30%، وهادشي كيعتابر خطوة أولى باش يجربوه على البشر، وكيقدر يكون علاج مهم وفعّال ضد الشيخوخة، اللي بزاف ديال العلماء كيخدمو ليل ونهار باش يلقاو ليها حل.

وحسب تقرير نشرو الموقع العلمي “ساينس أليرت” جربو العلماء ف أوروبا مجموعة أدوية مضادة للشيخوخة على الفيران، ولقاو أنها كطوّل العمر ديالهم بنسبة تقريبا 30%،

وكيزيد من هادشي أنها خلاتهم يبقاو بصحة مزيانة لمدة طويلة، نقصات الالتهابات المزمنة وخرجات مرض السرطان بشكل متأخر.

الدوائين اللي استعملوهم هما “راباميسين” و”تراميتينيب”، بجوجهم كيستعملو لعلاج بعض أنواع السرطان، وراباميسين حتى هو معروف بأنه كيتستعمل باش مايرفضش الجسم الأعضاء المزروعة، وبيّن نتائج مشجعة فإطالة العمر عند الحيوانات.

وتراميتينيب حتى هو ثبت باللي كيقدّر يطوّل العمر ديال ذباب الفواكه، ولكن باقي خاص يتأكد واش كينفع مع الحيوانات الكبيرة.