وكالات//

غادي يكونو العشاق ديال هوليود على موعد مع الجزء 14 من فيلم  “Ocean’s” المشهور، والمفاجأة فيه هي أنه غادي يجمع النجمين الواعرين براد بيت وجورج كلوني.

لي خرج هاد المعلومة هو الممثل جورج كلوني نيت في حوار ليه مع الصحافي “ويل مارفوجي” على هامش العرض الأول لفيلم “Wolfs” في لوس أنجلوس.

وقال كلوني أنه هو وبيت شافو السيناريو، وهوما مستعدين أنهم يشاركو في هاد العمل.

وراه هاد النجمين العالميين كانو هوما أبطال الأجزاء السابقة من الفيلم   “Ocean’s 11″  و”Ocean’s 12” و”Ocean’s 13″، قبل ميلعبو بجوج بطولة فيلم “Burn After Reading”، وتجمعو ثاني في الفيلم الجديد  “Wolfs” لي بدا العرض ديالو دابا في السينما البريطانية والميريكانية قبل ما يتعرض في العالم كامل.