گود سبور//

طلّع النجم المغربي أشرف حكيمي الريتم فـ التداريب ديالو باش يكون واجد لكأس إفريقيا اللي غاتبدا يوم 21 ديسمبر 2025 بالمغرب، ويتفوق على الإصابة اللي كانت جاتو قبل أسابيع فـ ماتش باريس سان جرمان وبايرن ميونخ ضمن دوري أبطال أوروبا.

النجم المغربي أشرف حكيمي ترينا اليوم الثلاثاء فـ لاصال ديال باريس سان جرمان وعلى رجليه اللي كان مضروب فيها فـ الشوفيا، وخلال التداريب كان كايعفط على رجليه والأكثر من هذا كان لاباس سبرديلا وكايجري فـ طابي رولو.

وحسب هاد المؤشرات الجديدة فـ كايبان أن أشرف حكيمي تفاعل الجسم ديالو بشكل إيجابي مع العلاج، وهذا الشي بعد حوالي 4 السيمانات باش كان توعت، مع العلم أن التقديرات كانت كاتقول إنه محتاج ما بين 5 السيمانات و6 حتى لـ8 السيمانات باش يبرا، وهذا الشي كايهدد المشاركة ديالو مع المنتخب المغربي فـ كاس إفريقيا.