كود كازا ///

هاد العام غيعرف عودة الحياة لجوج اوطيلات تاريخية فكازا. اوطيل “ايكسلسيور” اللي مقابل الكورة الارضية وهو واحد من اقدم لوطيلات فهاد لمدينة. عندو كثر من مائة عام ومعروف بجمال هندستو واوطيل “لينكولن” اللي مقابل مارشي سونترال فشارع محمد الخامس.

حسب معطيات “كود” فاشغال غتبدا فهاد لوطيل بعد رمضان بفترة. هاد المعلمة البيضاوية شراها جون اليكساندر نبيل بوهلال مالك اوطيل “السعدي”. حسب معطيات “كود” ما تباعش غالي بزاف. شي 50 مليون درهم زايد شي 20 مليون درهم باش يخوي البازار والبار والكاباري…..

مشروع بحال هادا خاصو وقت باش يتصلح مع الحفاظ على هويتو لانو واحد من البنايات التاريخية المصنفة من التراث الوطني.

نفس المالك الجديد شرا اوطيل تاريخي اخر حتى هو مصنف، وهو فندق “لينكولن”. هادا حسب مصادر “كود” قريب يوجد ومن المتوقع يتم افتتاحو من هنا ل5 اشهر.