وكالات //

علنات Xbox أنها غادي تنقل ليفينمون  Developer_Direct نهار الخميس 18 يناير مع التسعود دالليل بتوقيت المغرب. ومعروف أن عدد كبير ديال الشباب المغاربة كيلعبو هاد الألعاب، ومهووسين بيهم.

هاد ليفينمون غادي يكون فرصة باش يعرفو بزاف ديال الألعاب المشهورة، ولي كيتسناوها اللاعبين بشغف كبير، على Xbox Series X | S والبيسي الشخصي وحتى  Game Pass.

وفهاد المناسبة، غادي يمكن اللاعبين يشوفو مقتطفات على Xbox الرسمية على تويتش ويوتيوب، وحتى على قنوات Bethesda على نفس التطبيقات (تويتش ويوتيوب) باش تكون عندهم فكرة على الألعاب لي جايين.

فهاد الحدث نيت، غادي تكون واحد الزيارة لبزاف ديال الاستوديوهات ولي كتطور بزاف ديال الألعاب الواعرة بحال MachineGames في السويد باش نعرفو معلومات كثر على لعبة Indiana Jones، وغادي يزورو مكاتب Obsidian في Irvine باش يتعرف على المزيد عن Avowed، وغادي يسافرو لمقر Oxide Games في ماريلاند باش يعرفو على معلومات أكثر على لعبة Ara :History Untold ومنها غادي يمشيو لكامبريدج فالنكليز باش يكتاشفو مشروع Hellblade II:Senua’s Saga من Ninja Theory.