وكالات //

علنات Microsoft Flight Simulator على موقع التواصل الرسمي ديالها Xbox Wire، أن الميزاجور ديال Microsoft Flight Simulator – Dune واجد دابا باش يتيليشارجا فابور للناس لي عندهم كونطات على Microsoft Flight Simulator، بما فيهم هادوك لي كيلعبو Xbox Game Pass أو PC Game Pass.

هاد الفيرسيون ديال اللعبة غادي تخلي اللعابة أنهم يسوكو الطيارة المعروفة من أفلامDune ، والـRoyal Atreides Ornithopter، فوق الصحاري والوديان ديال كوكب Arrakis.

غادي تخليهم كذلك يسوكو Ornithopter من خلال ثلاث مهمات تعليمية وستة أنشطة، بما في ذلك التجارب الزمنية ومهمة جريئة باش يعتقو أستاذ الطيران قبل العاصفة الرملية الكبيرة لي غادي تجي.

وهادي هي المرة الأولى لي كتكشف فيها سلسلة Microsoft Flight Simulator على عالم خيالي.