كود – كازا //

مع بداية 2026، طلعات أسعار الݣارو فالمغرب بعدما دخل القرار الجديد ديال وزيرة الاقتصاد والمالية نادية فتاح، اللي خرج فالجريدة الرسمية رقم 7469. القرار كيحدد أثمنة جديدة لجميع أنواع التبغ المصنع، وكيهم جميع الماركات اللي متداولة فالسوق.

حسب اللائحة الجديدة، ثمن الباكية ولى ما بين 28 و41,50 درهم على حساب النوع والماركة، مثلا طابة كحلة بحال “كازا” ولات بـ31 درهم، والزعرا بحال “ماجستيك” بـ35 درهم، و“كلامور بالنعناع” و“كلامور بينك” بـ41 درهم. مارلبورو وصل ثمنو 41,50 درهم، وشيستر فيلد ولات بـ145 درهم.

هاد الزيادات جات باش الأسعار تولي متوافقة مع القرار الجديد، وكتهم المستهلكين والتجار، هاد التغييرات غادي تأثر على القدرة الشرائية، خصوصاً مع كثرة الماركات والأنواع .