كود سبور – وكالات //

علن نادي ريال مدريد الإسباني، فبيان رسمي، إصابة واحد من المدافعين ديالو بفيروس كورونا، وبالتالي تأكد غيابو فماتش الفينال ديال كاس السوبر الإسباني ضد أتلتيك بلباو.

وقال ريال مدريد فالبيان: “داني كارفاخال دار التيست ديال كوڤيد وطلع پوزيتيف”.

وبهذا ماغاديش يشارك كارفاخال فالماتش ديال الفينال، نهار الحد الجاي ضد أتلتيك بلباو، فتيران “الملك فهد” فالعاصمة السعودية الرياض.

وكتعتابر هادي “ضربة” خايبة لتشكيلة المدرب الإيطالي، كارلو أنشيلوتي، حيت ما عندوش اللي يقدر يعوض داني كارفاخال فالپوسط ديالو من غير لوكاس ڤاسكيز، وخا أصلا ماشي بلاصتو هاديك.

Comunicado Oficial.#RealMadrid

— Real Madrid C.F. (@realmadrid) January 14, 2022