الرئيسية > كود سبور > خاليلوزيتش غادي يجتمع بعموتة باش يتافقو على الماتشات… ولقجع: ماغديش نلعبو فالتيرانات الكلاسيكية
26/09/2019 20:00 كود سبور

خاليلوزيتش غادي يجتمع بعموتة باش يتافقو على الماتشات… ولقجع: ماغديش نلعبو فالتيرانات الكلاسيكية

خاليلوزيتش غادي يجتمع بعموتة باش يتافقو على الماتشات… ولقجع: ماغديش نلعبو فالتيرانات الكلاسيكية

مصطفى الشاذلي – كود سبور//

وحيد خاليلوزيتش، الناخب الوطني غادي يجتمع بالحسين عموتة، مدرب المنتخب المحلي نهار الاثنين بمقر الاجتماع باش يتافقوا على الماتشات المبرمجة فأكتوبر المقبل.

هاد الاجتماع غادي يترأسو فوزي لقجع بصفتو رئيس لجنة المنتخبات الوطنية، وغادي يسمع منهم الاقتراحات بخصوص الماتشات ديال ليبيا والغابون والجزائر.

لقجع گال فكلمتو أن الجامعة ما غاديش تبرمج هاد الماتشات فالتيرانات الكلاسيكية هاد المرة، واختار الجهة الشرقية، خصوصا أن ملعب وجدة رجع مزيان، وممكن يتبرمج الماتش ديال المحليين حتا هو فالشرق، حسب تعبير رئيس الجامعة.

لقجع أكد أن الجديدة واسفي ممكن يحتضنوا ماتش واحد ديال المنتخب الاول، لكن هناك إكراه بالجديدة، بسبب احتضانها مهرجان الفرس، لهذا ممكن يتبرمج فالملعب المسيرة بأسفي.
علاش هاد المرة شافت الجامعة ملاعب اخرى.

لحقاش باغا تيران فمدن يحضرها جمهور كبير، لي يمكن ليه يقدم الدعم والمساندة المطلقة للمنتخب الوطني. لقجع أكد أن الماتشات، لي جاية غادي تكون مهمة للمنتخب خاصة الرسمية أمام موريتانيا وبوروندي.

موضوعات أخرى

13/07/2020 13:50

الخير موجود هاد العام.. ترقيم أزيد من 7 ملايين راس غنم ووزارة الفلاحة: عملية الترقيم غادي تسالي غدا ونتوقع توصل لـ8 ملايين راس

13/07/2020 13:00

تطور مثير فقضية التجسس لي مجبود فيها الصحافي المغربي عمر الراضي باستخدام برمجية لـ”ن أس أو”.. القضاء الإسرائيلي رفض ملتمس أمنستي لتجريد الشركة من رخصة التصدير