الرئيسية > كود سبور > خاليلوزيتش طلق 4 ديال اللعابة للمنتخب المحلي.. ما تقاص حتى واحد وعموتة فرحان
12/10/2019 13:00 كود سبور

خاليلوزيتش طلق 4 ديال اللعابة للمنتخب المحلي.. ما تقاص حتى واحد وعموتة فرحان

خاليلوزيتش طلق 4 ديال اللعابة للمنتخب المحلي.. ما تقاص حتى واحد وعموتة فرحان

مصطفى الشاذلي – كود سبور//

وحيد خاليلوزيتش طلق 4 ديال اللعابة للمنتخب المحلي مباشرة بعد ماتش ليبيا البارح الجمعة بالملعب الشرفي فوجدة.

وغادر المنتخب الأول كل من الحارس انس الزنيتي وعبد الكريم باعدي ووليد الكرتي وإسماعيل الحداد من أجل الالتحاق بالمنتخب المحلي.

الحسين عموتة، مدرب المنتخب المحلي، عوال على هاد اللعابة فماتش الجزائر نهار السبت جاي بالملعب البلدي في بركان، من حجز بطاقة المرور لنهائيات كأس إفريقيا للمحليين 2020.

اللاعب المحلي الوحيد لي بقا مع المنتخب الأول هو هشام المجهد حارس اتحاد طنجة، لأنه ما كاينش فلاليست ديال عموتة.

المنتخب المحلي درب في ملعب السعيدية البارح وكانوا گاع اللعابة واليوم السبت غادي يلعب مع رديف منتخب ليبيا بالملعب البلدي في بركان، ويقدر يغيبوا بزاف ديال اللعابة على هاد الماتش.

المدرب عموتة فرحان فاش ما تقاص حتا واحد من اللعابة لي كانوا مع خاليلوزيتش خصوصا الكرتي والحارس الزنيتي.

موضوعات أخرى

13/07/2020 13:50

الخير موجود هاد العام.. ترقيم أزيد من 7 ملايين راس غنم ووزارة الفلاحة: عملية الترقيم غادي تسالي غدا ونتوقع توصل لـ8 ملايين راس