الرئيسية > كود سبور > خاليلوزيتش حيد باعدي لعموتة.. والضربة ديال سايس مبرزطاه
07/10/2019 09:20 كود سبور

خاليلوزيتش حيد باعدي لعموتة.. والضربة ديال سايس مبرزطاه

خاليلوزيتش حيد باعدي لعموتة.. والضربة ديال سايس مبرزطاه

كود سبور//

وحيد خاليلوزيتش، مدرب المنتخب المغربي، عيط لكريم باعدي لاعب حسنية اكادير، باش يلتحق بالكونصوتراسيون اليوم الاثنين فالرباط، استعدادا الماتش، لي غادي يكون نهار الجمعة بالملعب الشرفي بوجدة.

حسنية أكادير، هو لي أعلن عن قرار خاليلوزيتش باستدعاء باعدي، بعدما كان هاد اللعاب كيستعد باش يلتحق بكونصوتراسيون ديال المنتخب المحلي اليوم الاثنين.

وأكد حسنية أكادير في بلاغ نشروا فالموقع الإلكتروني ديالو البارح الأحد، أن باعدي غادي يلتحق بالمنتخب الوطني الأول بعدما عيط ليه الناخب الوطني خاليلوزيتش
عموتة مدرب المنتخب المحلي وافق على استدعاء باعدي للمنتخب الكبار، واخا عندو ماتش مهم كونتر الجزائر نهار 19 فالشهر جاي بالملعب البلدي ببركان في إياب الإقصائيات كأس إفريقيا للمحليين 2020.

بلادي غادي يلتحق مباشرة بالمنتخب المحلي بعد الماتش ديال الگابون نهار 15 فهاد الشهر بملعب طنجة.

من جهة أخرى الضربة لي خداها رومان سايس مع فريقتو وولفرهامبتون كونتر مانشستر سيتي البارح الأحد فالدوري الإنگليزي مبرزطا البوسني وحيد خاليلوزيتش، لقاش يقدر هاد اللعاب، لي كيراهن عليه يرومبلاصي المهدي بنعطية المعتزل دوليا، يغيب مدة طويلة وهو محتاج بزاف.

 

موضوعات أخرى

07/07/2020 08:22

قضية اتهام 7 موظفين فحبس راس الماء بتعذيب واغتصاب محابسي سابق بـ”كراطة” رجعات للواجهة: الوكيل العام بفاس خرّج الشكاية من الحفظ

07/07/2020 08:20

خاص..بالوثيقة: مكتب محاماة الوزير أمكراز كياخد 100 ألف دهم سنويا من مجلس جماعة أولاد تايمة ومصدر يوضح لـ”كود”: الملفات لي خسر أغلبها بسبب أخطاء الإدارة

07/07/2020 08:00

شوف تيفي ماشي هي ادريس شحتان وهاد القناة عندها جمهورها وكيشوفها 17 مليون يوميا واللي قلقاتو راه كاين القانون