الرئيسية > كود سبور > خاليلوزيتس: مالكويت قلب علينا وجهو وكاين ما حسن من حمد الله
09/10/2019 13:00 كود سبور

خاليلوزيتس: مالكويت قلب علينا وجهو وكاين ما حسن من حمد الله

خاليلوزيتس: مالكويت قلب علينا وجهو وكاين ما حسن من حمد الله

مصطفى الشاذلي – كود سبور//

وحيد خاليلوزيتش، الناخب الوطني، عبر عن استيائه من كثرة الإصابات لي تعرض ليها لعابة ديال المنتخب المغربي قبل ما يجيوا الكونصونتراسيون.

واكد خاليلوزيتش في الندوة الصحافية اليوم فالرباط، أن بزاف ديال اللعابة جاو مضروبين أو عيانين بحال حكيم زياش، لي طلب يمشي بحالو لهولندا، لحقاش حس بالعيا
خاليلوزيتش گال سميات ديال اللعابة، لي مضروبين منهم لي جا، ومنهم لي اعتذر.

وأكد خاليلوزيتش أن رومان سايس مضروب هو وأشرف حكيمي ونصير مزراوي وعادل تاعرابت، وزاد هضر على حتا على يونس بلهندة وفؤاد شفيق ونبيل درار لي ماعيطتش ليهم، لحقاش كانوا مضروبين قبل ما يحط لاليست.

خاليلوزيتش گال بلي المنتخب المغربي غادي يلعب هاد المرة في وجدة وهو اختيار موفق حسب الناخب الوطني.

وعن غياب كيفين مالكويت أكد خاليلوزيتش أن هاد اللعاب كان باغي يجي فالمرة الاولى، ولكن رجع واعتذر دون سبب، وهو حر فاختياري ومانعاودش نعيط ليه مرة أخرى.

وبخصوص عبد الرزاق حمد الله أكد خاليلوزيتش أن هاد اللعاب تراجع مستواه وكاين ما أحسن منو وأكثر من ذلك حمد الله هو لي مابغاش يجي.

موضوعات أخرى