الرئيسية > كود سبور > خاليلوزبتش: ماراضيش على التعادل والمنتخب غادي يكون مزيان خاصنا غير شوية ديال الصبر
12/10/2019 08:00 كود سبور

خاليلوزبتش: ماراضيش على التعادل والمنتخب غادي يكون مزيان خاصنا غير شوية ديال الصبر

خاليلوزبتش: ماراضيش على التعادل والمنتخب غادي يكون مزيان خاصنا غير شوية ديال الصبر

مصطفى الشاذلي – كود سبور//

وحيد خاليلوزيتش مدرب المنتخب المغربي ماراضيش على التعادل واحد لواحد أمام المنتخب الليبي اليوم الجمعة بالملعب الشرفي في وجدة، لحقاش كان باغي يربح.

وأكد خاليلوزيتش في الندوة الصحافية أن مشكل المنتخب المغربي أنه ما كايعرفش يتدارك الموقف بعدما كيتسجل عليه التعادل، وهادشي وقع لينا فالماتش ديال بوركينافاسو ودابا عاود تكرر.

خاليلوزيتش اعتبر أن المنتخب بدا الماتش مزيان وسجل في توقيت مزيان، لكن منتخب ليبيا ارجع فالنتيجة، مضيفا أن المنتخب المغربي كتنقصو الثقة وتنظيم مزيان في وسط الميدان وكذلك فالفعالية قدام الشبكة لأن اللاعبين كيخلقوا فرص ولا يسجلون

مرة أخرى وحيد خاليلوزيتش طلب من الجمهور المغربي يصبر شوية على المنتخب الوطني، لأنه مازال في طور التكوين والبناء، واضاف “مازال خاصنا نجربو لعابة أخرين باش نكونوا فكرة جميع اللعابة. خاصنا غير شوية الصبر، أعرف انكم شغوفون بالمرة والمنتخب، وهاد البداية المتعثرة سبق لي عشتها مع الجزائر وكوت ديفوار واليابان ومن بعد تحسنات النتائج”.

وعبر خاليلوزيتش عبر عن أسفه لعدم إهداء الجمهور الوجدي الفوز، لحقاش كيستاهل حضر بكثرة وعمر المدرجات وشجع اللعابة من البداية.

مدرب المنتخب المغربي عبر كذلك على إعجابو باللاعبين المحليين خصوصا وليد الكرتي لي عطا كواري مزيانيين مباشرة بعد دخوله أرضية الميدان.

موضوعات أخرى