وكالات //
اختارت شركة “تيسلا” ديال الطوموبيلات إلكتريك باش تحيد نص مليون طوموبيل من السوق من بعد ما سجلو بعض المشاكل الفنية.
الشركة ديال الملياردير إيلون ماسك سحبات أكثر من نص مليون طوموبيل إلكتريك من إنتاجها، حيت الناس كيكونو غادين على رجليهم ماكيسمعوش صوت التحذير ملي كتقرب منهم بسباب صوت الموسيقى اللي كتكون وسط الطوموبيل.
موديلات الطوموبيلات اللي تم السحب ديالها هوما “إس” و”إكس” و”واي” و”3″، اللي تم الإنتاج ديالها ما بين 2020-2022.
الشركة قالت أنه لحد الآن ماسجلوش كسايد أو أصابات بسبب هاد الخلل، ولكن فضلو يحيدوهم من السوق ويتهناو.
