وكالات//

علنات جامعة مصر ديال العلوم والتكنولوجيا، على تأجيل الحفل لي كان غاد يديرو المغني أحمد سعد وروبي، حتى لتاريخ آخر، بسبب الأحداث ليكتعرفها المنطقة والحرب بين إسرائيل وفلسطين.

المصريين خافو لا ينوض عليهم الصداع من الشعب، لي غادي يقول أن هاد الجوج كيغنيو ويشطحو وبنادم كيموت غير في الحدود فغزة.

هاد الحفلة كانت غادي تنظم نهار 18 ف الشهر، بالمسرح ديال الأوبيرا بجامعة مصر للعلوم والتكنولوجيا، وهي الجامعة لي نظمات بزاف الحفلات بحال هكا.

وعرفات الجولة لي دارها هاد الثنائي نجاح كبير في بزاف د المدن في مصر وغيرها.

وغير باش تعرفو، راه التيكيات ديال الحفل تباعو كلهم مباشرة بعدما حطوهوم فالسوق.