وكالات //

كيدرسو المطربين ديال الأوبرا فأوكرانيا باش يرجعو يحيو الحفلات ديالهم من جديد، لي وقفات هادي مدة بسباب الحرب مع روسيا.

الغريب فهادشي هو أنهم غادي يديروه تحت الأرض فلاكاب ديال واحد المسرح، حيت خافو لا يقنبلهم بوتين.

هاد الحفل غادي يكون في مدينة خاركييف لي قريبة للحدود مع روسيا، وهي وحدة من المدن لي ديما كتكون معرضة للقصف الروسي.

دابا السلطات فهاد المدينة وجدو واحد القاعة تحت الأرض ومصرين على أنهم يديرو حفلة ديال الأوبرا تما.