كود ـ سبور//

عطاو باريس سان جرمان الفرنسي، عطلة للنجم المغربي أشرف حكيمي باش يرتاح شوية بعدما لعب بزاف ديال الماتشات من صيف 2024 حتى لدابا.

وقرر باريس سان جيرمان منح عطلة لأشرف حكيمي حتى الخميس الجاي، باش يرتاح بعد المجهود اللي دارو اللاعب فـ ماتش الفريق البارح السبت ضد بريست ضمن منافسات بطولة فرنسا، واللي ماركا فيه جوج بيوتا.

ويعتبر أشرف حكيمي عنصر مهم فـ باريس سان جرمان وقائد الفريق، ولعب من يونيو 2024 حتى لدابا، 80 ماتش معهم، 55 ماتش منها كانت فـ موسم 2024-2025، و12 ماتش فـ موسم 2025-2026، إصافة إلى 13 ماتش مع المنتخب الوطني المغربي بين إقصائيات كاس أفريقيا وكاس العالم وليماتش أميكو.