كود الرباط//

علمت “كود” من مصدر مطلع أن قيادة حزب التجمع الوطني للأحرار، تدخلت بشكل مباشر مساء اليوم الثلاثاء 26 شتنبر الجاري، باش يلقاو حلول للبلوكاج اللي عرف مجلس جماعة الرباط، خصوصا بعدما انقلب مستشاري الأحرار على العمدة أسماء اغلالو، وخلاوها بوحدها، وأكثر من ذلك، اتفقوا مايصوتوش على مشروع ميزانية 2024 داخل لجنة المالية.

وكشفت مصادر خاصة لـ”كود” أن تدخل قيادة الأحرار، كان عن طريق لقاء جمع بين وفد من المكتب السياسي و22 مستشار جماعي من فريق الأحرار بحضور العمدة المغضوب عليها من طرف أغلبية المستشارين.

وأكد مصدر “كود” بلي قيادة الحمامة وجهت انتقادات للعمدة بسبب طريقة تعاملها مع فريق الأحرار وانفرادها بالقرارات واصطدامها مع الحلفاء، خصوصا البام والاستقلال.

وتوقعت مصادر “كود” أن تصدر قيادة الأحرار في الساعات المقبلة، قرارا صارما يتعلق بتدبير الوضع الداخلي لفريق الأحرار بمجلس جماعة الرباط، كما سيتم التباحث مع باقي الفرقاء السياسيين من أجل إيجاد حل للبلوكاج اللي كتعرف جماعة الرباط.

اغلالو فقدت أغلبيتها، الفريق ديال الأحرار ضدها، الأحزاب الأخرى ضدها، مبقا عندها حد كيدافع عليها. سلطة الوصاية كتشوف هاد البلوكاج وكتسنا قرارات الأحزاب المشكلة للتحالف شنو غايديرو فحق العمدة؟

وأكدت مصادر “كود” بلي التوجه اللي كاين حاليا هو يتم تغيير رأس جماعة الرباط بشخصية عليها التوافق بين المستشارين.